Naglabas ng saloobin ang ilang mga personalidad na idinidawit sa umano’y anomalya sa transaksiyon ng gobyerno at kumpanyang Pharmally.
Sa isang press statement na inilabas ng kampo ni Pharmally Pharmaceutical Corporate Secretary Mohit Dargani sinabi nitong hindi umano naging patas ang pagtrato ng Senate Blue Ribbon Committee sa kanila.
Dagdag pa ni Dargani hindi nakikinig sa kanilang mga paliwanag ang mga senador at pinipilit ng mga ito na ma-incriminate sila o magmukhang guilty ang kanilang sarili.
Para umano silang hostage na ginagamit lamang sa pulitika lalo na ngayong malapit na ang eleksiyon.
Magugunitang pina-aaresto ng senado ang magkapatid na Mohit at Twinkle Dargani matapos itong i-cite in contempt dahil sa hindi nito pagdalo sa nakaraang hearing ng senado.
