Handa ang Pilipinas na makipag-usap sa Vietnam sa pag-angkin nito sa pinalawig na continental seabed sa South China Sea, na maaaring mag-overlap sa mga teritoryo ng bansa.
Ayon sa Department of Foreign Affairs, nilalayon nitong makamit ang mutually beneficial solution sa mga isyu sa pinagaagawang teritoyo, alinsunod sa UNCLOS.
Mahigit isang buwan na ang nakakalipas nang mag sumite ang Vietnam ng kanilang impormasyon upang maitatag ang mga panlabas na limitasyon ng kanilang continental shelf.
Ito’y matapos hilingin ng gobyerno ng Pilipinas sa UN Commission on the Limits of the Continental Shelf na kilalanin ang pinahabang undersea shelf nito sa South China Sea, sa labas ng kanlurang lalawigan ng Palawan.
