Base sa Commission on Elections (Comelec) uwa it basehan para indi maiba sa listahan it mga botante ro masobra 700 voter registrants it Boracay Island.
Matatandaan nga ro mga registration ag transfer of registration records it mga aplikante hay naka-angkun it isyu ku Oktubre 14, 2021.
Napansin ni Edwin Pelayo, residente it Barangay Manocmanoc, ro pagtaas it mga voter registrants sa mga kaiping nga mga barangay it Yapak ag Balabag sa tunga it Hulyo 1 ag Oktubre 13, 2021.
Base sa anang sworn affidavit, ro mga nasambitan nga voter registrants hay bukon it residente it Malay, Aklan.
Ginkwestiyon ni Pelayo ro 401 voter registrants sa Balabag ag 371 voter registrants sa Yapak.
Pero base man kay Election Officer III ag Comelec-Aklan spokesperson Chrispin Raymund Gerardo, ro mga kontrobersyal nga voter registrants hay nag-atender sa hearing it Election Registration Board (ERB) ku Oktubre 20 ag ginpakita ro andang residency qualifications bilang requirement sa pagparehistro.
Dugang pa nana, uwa it matibay nga ebidensya nga ginpakita ro petitioner para i-disqualify ro nasambitan nga mga voter applicants./JIL B. LACSON
