Hinihintay pa ng National Economic and Development Authority (NEDA) ang kopya ng petisyon ng ilang grupo ng magsasaka na ipahinto ang pagpapatupad ng executive order no. 62 na nagpapababa sa taripa ng imported na bigas.
Ayon kay NEDA Secretary Arsenio Balisacan, nirerespeto nila ang inihaing petisyon pero tiyak naman nila na sasagot sa petisyon ang Office of the Solicitor General.
Respondent ang NEDA kasama si Pangulong Ferndinand Marcos Jr. at Executive Secretary Lucas Bersamin sa petisyon ng ilang grupo ng magsasaka na inihain sa Korte Suprema kahapon ng umaga na kumukwestyon sa constitutionality ng nasabing kautusan.
