LEGAZPI CITY – Mas pigpakusog pa kan Philippine Drug Enforcement Agency (PDEA) Bicol an saindang mga kampanya nganing bawasan an operasyon sa ilegal na droga sa rehiyon.
Segun kay Investigation Agent V Dennis C. Villamor, nasa labi PHP3,000 nang anti-illegal drugs operations an naisagibo na kan regional office puon kan Enero hasta sa Oktubre ngunyan na taon.
Nasa 896 sa mga ini an intelligence operations, 1,327 an positive negation operations, asin 1,538 an K9 inspections kun sain kaiba an mga ini sa Regional Office Supply Reduction Operations.
Sa ngunyan, orog pa nindang pigpapalakop an saindang reduction operations sa paagi kan padagos na inspeksyon asin profiling activities sa airport asin mga pyer sa bilog na rehiyon.
