GIMANDU na sa labaw sa kapulisan sa Soccsksargen sa tanang unit commanders nga ipatuman ang katungod sa pagdisiplina sa sakop.
Ugaling makahimo og pagsupak sa ilang trabaho administratibo man o operational. Matud ni PBrig. Gen. Jimili Macaraeg, bag-ong regional director sa Police Regional Office (PRO-12) angayang makahatag ang kapulisan og de kalidad nga serbisyo sa publiko.
Kinahanglan ang serbisyo ang gikan sa dughan, mapaubsanon, dunay respeto og dili arogante ug ang gilayong pagresponde sa tawag kanila.
Kung kinahanglan, angayang pasakaan og kasong administratibo ang badlongon nga sakop. Gilawom kining ipailawom sa Automatic Leave of Absence Without Pay (ALAWP) alang adtong naka-detain na magpahigayon og lakang nga base sa polisiya sa kapulisan.
Apan luyo sa kinahanglang mahimong mapaubsanon angayan usab mahimong lig-on ang kapulisan sa pagpatuman sa balaud. Una nang, gisaad ni Macaraeg nga dili kini manuko sa pagpahamtang og silot sa sakop nga makasupak sa balaud ug polisiya sa kapulisan.
“Nung doon ako sa district (Southern Police District) sa Manila libo-libo yung pulis na nasanction, dito tingnan natin kasi region eto,” asoy ni Macaraeg.
Sa paghawa ni PBrig. Gen. Alexander Tagum kanhi PRO-12 regional director walo ka pulis ang gitaktak sa serbisyo samtang 13 ang gisuspenso. I Richel Gubalani
