Mapasalamaton si PBGen. Alden B Delvo, Regional Director sa Police Regional Office XI sa publiko sa pagtuman sa gilatag nga sumbanan/balaud sa mga otoridad.
Kini human nga iyang giduaw ang pipila ka mga sementeryo sa syudad sa Davao aron nga sutaon ang kaalerto ug kaandam sa mga sakop sa PRO XI nga gipahimutang sa nagkadaiyang lugar sa syudad atol sa pagobserba sa UNDAS 2023.
Nanghinaut na lamang ang opsiyal nga padayon sa pagkooperar sa tanan alang sa seguridad ug aron nga magmalinawon ang pag-obserba sa kalag-kalag karong tuiga.
Gidayeg sab ni PBGen. Delvo ang mga gingsakpan sa PRO 11 ug sa tanang kaalyado sa seguridad ug peacekeeping forces sa gihimong effort ug dedikasyon niadto pang Baranggay ug Sanguniang Kabataan Elections hangtod sa UNDAS 2023.
