Pinatitiyak ni Pangulong Ferdinand Marcos Jr. sa DSWD na hindi magugutom ang lahat ng mga residenteng inilikas dahil sa pag-aalboroto ng Mayon.
Ayon kay DSWD Secretary Rex Gatchalian , simula pa noong nakaraang linggo, halos kada oras aniya ang pakikipag-usap niya sa pangulo para iparating ang mga ginagawa ng ahensiya upang matulungan ang mga apektadong residente.
Patuloy din ang mahigpit na pagbabantay ni Marcos sa pinakahuling sitwasyon sa Bulkang Mayon.
Sinabi ni Gatchalian na mahigpit ang ginagawa nilang ugnayan sa mga LGUs na apektado para sa ng mga kina-kailangang gamot, pagkain, at non-food items para sa mga apektadong residente sa Albay.
Bukod dito, nagpadala na rin ang Office of Civil Defense (OCD) ng filtration machine para sa malinis na inuming tubig. //CA, edited MHEL PACIA
