Nanawagan si Pangulong Bongbong Marcos sa Department of Social Welfare and Development (DSWD) na ipagpatuloy ang pagsisilbi sa publiko nang may pagkalinga.
Ito ay kasabay ng ika-73 anniversary celebration ng ahensya sa Quezon City.
Inaasahan umano ni Pangulong Marcos na hindi lang dapat ipagpatuloy ang mga hakbang ng DSWD, dahil dapat ay pag-ibayuhin pa ang tatak ng ahensya sa paglilingkod.
Maliban dito, sinabihan din niya ang tanggapan na tratuhin ang mga mahihirap nang may kabutihan, pag-intindi, at compassion dahil pagkalinga ang siyang tanda ng public service.
Samantala, inilunsad sa selebrasyon ang 24/7 Disaster Response Command Center (DRCC) atBuong Bansa Handa Project na siyang inaasahang magkakaroon ng matatag at proactive na approach sa disaster management, sa pamumuno ng DSWD.
