Nangako si Pangulong Ferdinand Marcos Jr. na patuloy niyang susuportahan ang paglago ng sektor ng turismo ng bansa.
Sa selebrasyon sa ika-50 anibersaryo ng Philippine Tourism, sinabi ni Marcos na naniniwala siyang malaki ang potensyal ng 5-yr tourism development plan na kanyang inaprubahan para maging tourism powerhouse ang Pilipinas sa Asya.
Nanawagan din ang Pangulo sa mga Pilipino na makiisa sa pagsusulong ng turismo ng bansa.
Samantala tinanggap din ni Marcos ang special plaque of appreciation para sa kanyang ama na si dating pangulong Ferdinand Marcos Sr. para sa kanyang naging kontribusyon sa sektor ng turismo.
Si Marcos Sr. ang siyang naglabas ng Presidential Decree noong 1973 na nagbigay daan sa pagtatatag ng DOT.
