Kinumpirma ng Palasyo na mayroon nang itinalaga si Pangulong Bongbong Marcos na bagong hepe ng Philippine Drug Enforcement Agency o PDEA.
Ayon kay Press Secretary officer-in-charge Cheloy Garafil, pinangalanan bilang bagong PDEA director gneral si retired gen. Moro Virgilio Lazo.
Si Lazo ay dating commander ng Philippine National Police-Special Action Force noong 2015.
Papalitan niya si Wilkins Villanueva na halos dalawang dekada ring nagsilbi sa drug law enforcement mula pa sa panahon ng Philippine National Police-Narcotics Group.
Si Lazo, na isa ring Ilocano, ay ang ika-walong director general ng PDEA.
Sa hiwalay na Facebook Post, pinasalamatan ni Villanueva si dating pangulong Rodrigo Duterte para sa tiwalang ibinigay sa kanya para pamunuan ang PDEA.
Pinasalamatan din ni Villanueva si Marcos na hinayaan siyang manatili sa puwesto hanggang sa makapagtalaga na ito ng kanyang kapalit.
