Inalala ni Pangulong Bongbong Marcos ang mga naging mahalagang ambag at papel ng namayapang si Secretary Susan ‘Toots’ Ople para sa kapakanan ng mga overseas Filipino workers (OFWs).
Sa naging talumpati ng Pangulo sa necrological service para kay Ople sa Malacañang – sinariwa ng Pangulo kung papaanong nagsumikap si Ople para tutukan ang kaligtasan ng mga kababayan nating nagbabanat ng buto sa ibayong dagat.
Sinabi ni Marcos na nawalang ng ‘best champion’ ang mga OFWs sa pagpanaw ni Ople.
Ngayong puamnaw na ang Kalihim – nangako ang Pangulo na ipagpapatuloy ng Gobyerno ang mga magandang nasimulan ng pumanaw na kauna-unahang secretary ng Department of Migrant Workers.
