Walay nakitang foul play ang otoridad sa kamatayon sa batan-on nga nakaplagang walay nay kinabuhi sa baybayon sa Purok 5, Bucana, Brgy 76-A, Davao City, niadtong Septyembre 5 tuig kasamtangan.
Kahinumdoman nga nakaplagan na lamang sa duha ka mga saksi ang maong batan-on nga wala nay kinabuhi nga nakasuot og gray short ug yellow nga sleeveless t-shirt.
Apan pila ka oras ang milabay, gi-claim sa usa ka Gilbert Colatsi Manlangit, 52, nga taga Purok 21, Manggahan, Bucana, Brgy 76-A, ning syudad ang maong patay’ng lawas sa biktima nga gikumpirma niining si Charles John Loregas, 21 anyos.
Sa inisyal nga imbestigasyon sa kapulisan, nasayran nga depressed sumala pa ang biktima gumikan sa gihambin niini nga balatian.
Ulahi sumala pang nakita ang maong lalaki nga nag-baktas-baktasa sa sea wall alas dos sa kadlawon una paman kini nakaplagang patay sa baybayon.
