Nakitaan it foul play ru patay nga eaeaking nakahandusay sa prente mismong gina dayunan nga panimaeay sa Sitio Busay Brgy. Aliputos, Numancia, Aklan.
Sa imbistigasyon, nakilaea ru biktima nga si Reynaldo natabu-an it krimen.
Nag-angkon it lastro sa parte it ueo ru biktima nga gina patihan nga hinampas it matig-a nga bagay dahilan it gulpihang pagkamatay.
Nasayuran nga malipayong nakipag-inuman pa ru biktima sa mga kabarkada bago ru krimen.
Gulping nakibot ru mga kakilaea kat makit-ang naka handusay eon ru biktima nga uwa eon it kabuhi.
Samtang, padayon pa sa makaron ru gina himo nga komprehensibong imbistigasyon it Numancia MPS at Scene of the CRIME Operative (SOCO) agud matukoy ru mga suspek.//MARIVIC Y. ILIN
