Nakit-an eun eamang nga paeutaw-eautaw ro patay nga eawas it eapsag nga laeaki sa baybayon it sambilog ka beach resort sa Brgy. Alegrem, Oton, Iloilo.
Base sa pahayag it sambilog ka staff it resort, tatlo ka mga unga ro nakakita sa patay nga eawas nga nakasuoed eang sa plastic.
Insigida man nga nagtawag it mga otoridad ro resort ag base sa imbestigasyon sa an-um hasta pito ka buean eun ro eapsag.
Ginkumpirma man nanda nga ginpa-abort raya bangud deformed eun ro ueo ag bloated eun kat makit-an
Posible segun nga gin-anod eamang sa lugar ro eawas it bata.
Sa makara, gin-eubong eun ro bangkay it eapsag./JIL B. LACSON
