MAHINUNGDANON ang pagsaulog sa kapaskuhan alang sa mga katawhan sumala sa Vicar General sa Diocese of Marbel nga si Father Angel Buenavides.
Sa paghinabi sa 89.5 Brigada News FM Gensan kay Father Buenavides sumala niini nga ang Christmas mahinundanon gumikan si Kristo nagpakatawo aron makig-uban sa katawhan sa atong kalipay, sa kabusog ug kagutom, sa kasakit ug pagmaya ug sa mga handum sa katawhan.
Sa karong 2021 nga Pasko nakasinati ang katawhan og pandemya nga may health crisis, adunay nasakit ug namatay, aduna usab naka-survive sa COVID-19 apan wala pa kini nawala ug dili pa gihapon magkumpyansa.
Anaa usab daw gihapon ang kalamidad sama sa naagihan sa bagyo nga daghan ang na-apektuhan mao nga nagapanawagan sila og tabang gikan sa mga wala na-apektuhan, kay wala daw kabus nga walay ikatabang ug wala usab adunahan nga walay ikahatag.
Anaa usab daw gihapon ang mga pakigbisog sa walhong grupo batok sa gobyerno nga ginabuhis ang ilang mga kinabuhi alang sa ilang kaugalingon ug sa ilang grupo samtang walay ceasefire.
Ang mensahe ni Fr. Buenavides sa katawhan nga dapat repormahon ang atong kaugalingon alang kabag-uhan, magkalipay, maghiusa, sama sa hagit ug tawag ni Kristo alang sa tanan sa pagbag-o sa kaugalingon ug dili lang sa panahon sa selebrasyon sa Pasko. I Ver Diazon
