Nagbabadyang tumaas ang pasahe sa mga public utility jeepneys sa susunod na linggo bunsod ng nakatakdang pag-anunsyo ng Land Transportation Franchising and Regulatory Board (LTFRB) ng desisyon sa hirit na fare hike ng iba’t ibang transport group.
Sa araw ng Martes, Oktubre a-3, ilalabas ng LTFRB ang desisyon sa hirit na P5 na taas pasahe para sa unang apat na kilometro at P1 provisional fare increase kung ito ay para lamang sa traditional PUJs sa NCR.
Kung maalala, huwebes ng kasalukuyang linggo ng maghain ng petisyon ang PASANG MASDA, Alliance of Transport Operators and Drivers Association of the Philippines (ALTODAP), at Alliance of Concerned Transport Organization (ACTO) sa LTFRB.
Kinonsulta naman muna ng naturanf board ang National Economic and Development Authority (NEDA) at iba pang stakeholders bago ibaba ang desisyon.
