NAGMALAMPUSON ang adlaw sa pagduso og kandidatura sa partidong Achievement With Integrity Movement kon AIM Oktubre 7 adlaw nga Huwebis.
Alas 7 sa buntag gipahigayon ang misa pagkahuman by batch nga niadto sa opisina sa Comelec Gensan aron masunod ang health protocol, kolor puti ang gisul-ob nga sanina sa mga kandidato gikan sa pagka konsehal padulong na sa pagka mayor ug kongresista, samtang ang ilang facemask kolor puti sa sulod unay gisapawan og kolor orange ug green ang opisyal nga kolor sa partido.
Human sa malampuson nga pagduso sa ilang Certificate of Candidacy kon COC nibalik sila sa ilang kampo alang sa press conference, aron matubag ang daghang pangutana gikan sa hut-ong sa Media nga gusto makita,madungog og mailhan ang linyada sa partidong AIM.
Usa sa nangutana mao ang sakop sa media nga si Emma Hilado ug ang usa sa iyang pangutana kon nganong iboto ka sa mga heneral ug unsa ang imong lamang gawas nga gwapo ka sa imong kaatbang nga tulo nga nagpapili sa pagka mayor kay usa usab independent.
Ang tubag ni Idol Brigada Elmer Catulpos, ako ang pinaka qualified, ako ang pinaka naay kapasidad sa katong ubang mga kaatbang ug kini ang pinakakusog nga partido sa Gensan, pamilyang AIM, diri nga grupo ako ang decision maker ako ang mag- set sa direksyon sa tabang sa ubang miyembro sa partido ug walay laing magdikta nga financier. ( Ever Diazon)
