KALIBO, AKLAN—Nagpositibo sa coronavirus disease 2019 (COVID-19) do parish priest it St. Anthony of Padua Parish sa banwa it Buruanga, Aklan.
Base sa ginpaguwa nga public announcement it Diocese of Kalibo, si Rev. Fr. Zaldy B. Zarandin hay ginpaidaeom sa swab test ku July 5,2021 ag nagguwa do resulta nga positibo raya sa deadly virus.
May kaangtanan kara, gin-abisuhan do tanan nga nakasalamuha ni Fr. Zarandin nga obserbahan do andang eawas ag kung mag-angkon it simtomas it COVID-19 kapareho it ubo, trangkaso, lagnat, sore throat, pagpaeanakit it eawas at pagkaduea it panghugom ag panglasa hay insigida nga makipag-angot sa mga health authorities.
Samtang, naghinyo man do Diocese i-eakot sa pangamuyo do madasig nga pagmayad ni Fr. Zarandin kamana man do iba pang inuguan it nasambit nga baeati-an. // SHERRY ANNE REUNIR-VIDAL
