ISIP mga Kristiyanos ang husto nga pilion nga mamahimong government stewards kon mga piniyalan sa pagdumala kinahanglan ipaagi sa pagpangutana sa kasing kasing ug huna-huna sumala sa usa pari sa Simbahang Katoliko.
Sa paghinabi sa 89.5 Brigada News FM Gensan kay Fr. Raul Valle sumala niini nga gumikan duol na ang piniliay dapat maghuna-huna na ang katawhan kon si kinsa gayod ang angay nga pillion, katong Competent, Credible ug Committed sa usa ka position.
Gidugang ni Valle nga natural lang nga basta election ang mga kandidato maghimo og saad unya ang mga kwartahan manghatag og kwarta aron botaran, dili daw angay nga basihan ang ginapanghatag kondili isipon gayod kon kinsa ang angayan.
Gisaway usab ni Fr. Valle ang nagahimo sa mga bakak nga mga impormasyon pinaagi sa social media, nga nagausab sa mga estorya ug kasaysayan.
Gidugang ni Fr. Valle nga dili magpadala sa mga kolor kolor kay sa wala pa natawo ang tawo aduna nay mga kolor.
Samtang ginapasabot usab ni Fr. Valle nga wala sila naga-indorso og politiko aduna lang sila voters education, apan aduna usab mga pari nga personal nga naga-indorso apan dili kini iya sa katibuk-an.
Ginapaklaro usab ni Fr. Valle nga sa ilang Voters Education mas ginapaboran nila nga angay botaran katong mga maka kalikasan nga kandidato labaw na katong nagpadayag og supak sa open pit mining. I Ver Diazon
