Dead on the spot an usa nga parag-uma, mahuman nga pagpaumumusilon hin waray pa makilal-i nga mga gunmen, ha Purok 1, Brgy. Cagnocot Villaba Leyte, banda 5:40 pm kakulop, May 13, 2024
Subay ha imbigasyon han Villaba PNP, nagiinum an biktima nga hi Dizon Urungan Aguilar, 54 anyos, Residente han Sitio Dakit han mao nga Baragay, kaupod an iya mga kasangkayan han tigda nala umulpot an mga suspek sakay hin motorsiklo, ngan tigda gin pamumusil an biktima.
Dayon naman nga kumalagiw an mga suspek mahuman buhan an krimen, ngan nakuha ha crime scene an 13 nga basiyo hin bala.
Nabaruan, an biktima in may-ada kaso nga frustrated homicide dida han Pebrero 2023, nakagawas ini human makapag-piyansa, yana gin iimbistigaran pa hiton mga otoridad an motibo han krimen ngan pangilal-an han mga suspek.// Jason Delmonte
