Binigyang-diin ni Presidential Anti-Organized Crime Commission (PAOCC) Usec. Gilbert Cruz na ‘payak’ lang naman para kina dismissed Bamban, Tarlac Mayor Alice Guo na mag-offer ng malaking halaga ng pera para makalusot ito sa mga ipinupukol na isyu.
Ito ay kasunod ng sinabi ni dating Senador Panfilo Lacson na nag-alok si Guo ng P1B para tulungan ito sa kanyang mga kaso.
Ayon kay Cruz, hindi na sila nagtataka dito.
Ang mahalaga aniya kasi kina Guo ay makalusot sa kaso lalo pa’t ngayon lang nangyari sa kanila ma-freeze ang properties at accounts; at nabuko na rin ang mga taong may koneksyon sa kanila.
