Iginiit ni Pangulong Rodrigo Duterte na hindi totoo ang extrajudicial killings kaugnay sa drug war sa bansa.
Ayon kay Duterte, hindi siya nagbigay ng order patungkol sa ‘shooting spree’ laban sa mga nahuhuling drug addicts sa Pilipinas.
Sinabi ng pangulo na ipinag-utos lamang niya sa mga otoridad ang pagpatay sa mga drug suspects kung manlalaban umano ang mga ito sa gitna ng operasyon.
Samantala, base sa datos ng Philippine Drug Enforcement Agency (PDEA), umabot na sa 6,241 ang mga napatay sa anti-illegal drugs operations simula July 1, 2016. (ARGIE ERGINA)
