Mainit nga binaton ag sobra rung kalipay it pamilya Plaza matapos mabaton ru cash halin sa mga avid listeners it BRIGADA News FM Kalibo.
Suno kay Loren Plaza, magueang it biktimang si Mary Jane Plaza, mabahoe nga bulig ru ru financial assistance para sa medikasyon ag follow-up medical check-up matapos ru major operation sa ueo.
Naga pabilin gihapon nga confine ru biktima apang naka guwa eon sa Intensive Care Unit (ICU) it sangka pribadong hospital.
Kun matandaan, hinaboy it bato ru gina sakyang nga L300 van it biktima nga natamaan ru anang ueo sa karsadahon it Brgy. Libertad, Nabas.
Samtang, kinasuhan eon ru nag haboy it bato nga si Julius Pillado, 22 anyos ag residente sa Brgy. Libertad, Nabas, Aklan.//MARIVIC Y. ILIN
