Tila hindi raw nakuha ng pamilya Baltazar ang hustisya para sa napatay na binatilyong si Jemboy.
Sa panayam ng 105.1 Brigada News FM Manila sa legal counsel ng pamilya Baltazar na si Atty. Asheline Bacudio, sinabi nitong masakit sa damdamin ang naging hatol ng korte para sa mga akusado sa kaso ng biktima.
Dahil dito, pinag-aaralan pa raw nila ang naging desisyon, at plano nilang maghain ng apela sa Court of Appeals hinggil dito.
Bagamat nirerespeto raw nilang ang hatol sa mga suspek na pulis, nanindigan ang kampo ng mga Baltazar na hindi nila ito sinasang-ayunan.
Mababatid na una nang nagpahayag ng pagkadismaya ang pamilya ni Jemboy dahil sa umano’y napakagaan na sintensya at hatol sa mga akusado sa pagpatay sa binata.
