Hustisya pa rin ang sigaw ng pamilya ng 8-anyos na batang babae na pinatay at isinilid pa sa sako sa Taytay, Rizal.
Sa panayam ng Brigada News FM Manila sa nanay ng biktima, kahit naaresto na ang suspek sa pagpatay, hiling pa rin niya na mabulok ito sa kulungan.
Naaresto ang lalaking suspek kagabi na napag-alamang naging kapitbahay pa ng biktima.
September 11 nang iniulat na nawawala ang bata.
September 12 nang matagpuan itong wala ng buhay na nakasilid sa sako at itinapon.
Nakakulong na ngayon ang suspek. Patuloy ang imbestigasyon sa insidente.
