Kagaya ng nakaugalian – ngayong taon ay magre-retreat daw muli si Pangulong Bongbong Marcos bilang bahagi ng kaniyang pagninilay-nilay ngayong Semana Santa.
Ayon sa Pangulo, magiging simple lamang ang aktibidad ng kanilang pamilya. Matapos daw ang pagkakaroon niya ng retreat ay at saka naman sila magsasama-sama ng First Family para sa Linggo ng Pagkabuhay.
Kaugnay nito, muli namang tiniyak ng Pangulo na handa ang Gobyerno para sa inaasahang pagdagsa ng mga pasahero na magmumula ngayong weekend.
Aniya, nakapaghanda na raw ang lahat ng mga kinauukulang ahensya para sa Holy Week exodus nang sa gayon ay maiiwasan ang aberya sa biyahe ng mga Pilipino.
