Nagbigay-abiso ang Department of Social Welfare and Development (DSWD) Bicol na pansamantala munang ititigil ang kanilang pagbibigay ng tulong pinansyal sa ilalim ng programang Assistance to Individuals in Crisis Situation (AICS) simula ngayong Enero 2023.
Ayon kay Donna Osial, Social Welfare Officer IV at AICS section head, taun-taon namang isinasara pansamantala ang nasabing programa at maghihintay muli ang DSWD kung kailan muling magkakaroon na ng pondo.
Sa oras umano na magkaroon ng budget, pondo o cast ang rehiyon ay agad naman nilang bubuksan muli ang AICS sa mga nangangailangan.
Ang AICS ay programa ng DSWD na nagbibigay ng tulong pinansyal sa mga indibidwal na naapektuhan ng kalamidad, sakuna, armadong pakikibaka, at ibang krisis.
Sinabi pa ng opisyal, posibleng magkaroon ng cash ang AICS sa darating na katapusan ng Enero o unang linggo ng Pebrero.
