Nagbata nga wala sa oras ang isa ka iloy sa Sitio Tigpaka Gamay, Barangay San Antonio, Cuartero, Capiz.
Gilayon nga nagresponde ang mga katapo sang BFP San Antonio Fire Sub Station matapos nakabaton ang mga ini sang report.
Sa pag-abot sang hubon, wala na ang iloy nakapugong kag madasig nga nagguwa ang bata.
Matapos ang hilway nga pagbun-ag ginpadangat sa pinaka malapit nga ospital saka ang mag-iloy para dapatan sang nagakaigo nga atensyon medikal sa bulig man sang Cuartero Response Unit Team (CERU). |KMD Gicalde
