Patay ang isang lalaki nang mauwi sa pananaksak ang pagtatalo ng dalawang grupo ng kalalakihan sa harap ng isang Resto Bar sa Barangay Pangobilian, Brooke’s Point, Palawan bandang ala-una ng madaling araw kanina, Ika-15 ng Pebrero.
Ang nasawi ay kinilala ng PNP na si Allan Burungan habang ang suspek sa pananaksak ay si Roberto Susing Nuevas alias Norbing.
Ayon sa PNP, pauwi na sana ang biktima kasama ang kanyang mga katrabaho matapos na mag-inuman sa Resto bar nang makasagutan nito ang grupo ng mga suspek at humantong sa pananaksak.
Samantala, mabilis na tumakas ang suspek na patuloy na tinutugis ng mga awtoridad.
