Naging matawhay ro pagtapos it filing it Certificate of Candidacy (COC) sa banwa it Banga, Aklan.
Raya ro ginhayag ni Police Captain Benny Jones M Mendoza, Officer In-Charge it Banga MPS sa interview kana it Brigada News FM Kalibo.
Suno kay Police Captain Mendoza, maabu ro nag file it COC para sa nagahilapit nga Barangay ag Sangguniang Kabataan Elections 2023.
Umabot sa 75 ro maga kandidato para sa pagka Barangay Kapitan, 543 sa Barangay Kagawad, 68 para sa SK Chairman ag 421 para sa SK Kagawad.
Sa kabilugan, kapin sa 1,107 ro maga kandidato sa BSKE 2023.
Samtang, ginklaro ni Mendoza nga owa sanda it namonitor nga area nga magiging magulo sa eleksyon ag owa man sanda it nadakpan nga nag eapas sa gun ban. // ANN DESLENE SALAZAR
