May mabahoe nga epekto sa mga lokal nga mangunguma it rehiyon ro pagmahal it presyo it petrolyo sa merkado, ito ro naging pahayag it Department of Agriculture 6.
Base pa sa teatapan, nagagamit it petrolyo ro mga mangunguma halin pa eamang sa land preparation hasta sa post harvest rason agud magmahal man ro production cost.
Base man sa monitoring it Agribusiness and Marketing Assistance Division it DA 6, sa makara, uwa pa it direktang epekto sa presyo it bugas ro taas- presyo it petrolyo ag ensakto man ro supply it bugas sa bieog nga rehiyon.
Pero may narekord man nga sangkiri nga pagtaas sa presyo sa iban nga mga produkto.
Bangud dikara, ginapatuman it teatapan ro price ceiling sa mga masunod nga adlaw./JIL B. LACSON
