Hindi na raw nagulat ang Alliance of Health Workers sa anunsyong mas maagang release ng Health Emergency Allowance (HEA) ngayong araw.
Sa panayam ng Brigada News FM Manila kay Alliance of Health Workers President Robert Mendoza, iginiit nitong ang paglalabas ng pondong P27.45B ng Department of Budget and Management para sa HEA para sa mga health workers ay long overdue na, at itiniming lang sa SONA.
Ayon kay Mendoza, pakiramdamn nila ay hindi sila nabibigyan ng prayoridad kahit na tinatawag silang bayani ng pandemya.
Aniya, bakit naman kailangan pang umabot nang tatlong taon ang allowance bago maibigay sa kanila.
Sa huli, binigyang-diin ni Mendoza na marami nang nag-resign at namatay na healthcare workers na hindi pa rin compensated.
