Paga-umpisahan na ang pagpatindog sang Cancer Treatment Facility sa sulod sang probinsya nga ginalauman makapamag-an kag makapahapos sa mga pumuluyo sang Capiz ilabi na sa mga may balatian nga kanser sa pagpabulong.
Nahibaluan nga kapin P1,600,000 ang ginpain nga pondo sang gobyerno probinsyal sa pagpatindog sang nasambitan nga pasilidad bilang kabahin sang Roxas Memorial Provincial Hospital Out-Patient Department sa Brgy. Lanot, Roxas City.
Matandaan nga gin-aprubahan sang Hulyo 8 sa ika-third kag final reading ang ginpropose nga resolution para sa proyekto nga pagalauman naman magabukas sa Disyembre sini nga tuig.| Frances Joy Preciosa
