GIKONDENA sa labaw sa Police Regional Office (PRO) 12 ang pagpatay sa kanhi opisyal sa barangay sa GenSan.
Gipasalig ni Police Brig. Gen. Jimili Macaraeg, director sa PRO-12 ang paspas nga imbestigasyon sa pagpatay kang Roger ‘Jing’ Jayoma, 64-anyos, taga Purok 20, Barangay Fatima ning siyudad.
Dugang ni Macaraeg, gimandu na niya sa personahe sa GenSan City Police Office (GSCPO) ang gilayong paghatag og hustisya sa pamilya. Samtang, giawhag niini ang komunidad nga makigtinabangay sa kapulisan aron batukan ang kriminidad sa siyudad.
Nagpahimangno usab kini sa publiko nga magpabiling vigilante ug gilayong itaho ang gikadudahang tawo ug mamintina ang kalinaw sa lugar. Sa GenSan, si Jayoma na ang ikaduhang personalidad nga gipusil sa mga nakamotorsiklo. I Richel Gubalani
