Ginkondena it Police Regional Office (PRO-6) ro ginhimo nga pagpanutok ag pagpaeupok it baril it sangka pulis sa tatlong katawo sa Brgy. Buntatala, Jaro, Iloilo City ku Agosto 5.
Ginkilaea ro nasambit nga pulis nga si PSSg Nico F Galvesolo, 38 anyos, residente it Block 5-B, Relocation Site, Barangay Buntatala, Jaro, Iloilo City.
Base sa report, pauli eon si PSSg Galvesolo nga sa impluwensya it aeak ag bitbit ro anang baril kat gulpi segun kara nga gintutok sa tatlong katawo, ag ginpa-eupok pa raya.
Mayad eon lang ag owa it tinamaan.
Ginmanduan eon ni PRO-6 Regional Director PBGen Sidney N Villaflor, ro City Director it Iloilo City Police Office para imbestigahan ro insidente ag mapasakaan it kaso ro nasambit nga pulis.
Ginpasiguro man kara nga indi pagkonsintihon ro makarondaya nga klase it hinimuan it kapulisan. // ANN DESLENE SALAZAR
