Arestado ro sangka eaeaki matapos raya nga maboe-an it baril sa sangka checkpoint sa Kalibo-Numancia Bridge Roxas Avenue Brgy. Poblacion, Kalibo, Aklan kaina it alas 4 it kaaganhun.
Sa report, ginamanehu it suspek ro tricycle nga owa it plate number ag paagto raya it Kalibo halin sa Numancia kat gulpi rayang mag u-turn ag mag counter flow.
Bangud kara, nag flag down sanday PSSg Rodgie Delos Santos ag Pat Rezel S Inaudito ag sa pag imbestiga sa suspek, owa raya it naipakitang driver’s license ag dokumento sa nasambit nga tricycle.
Samtang ginapahaum ro citation ticket para sa inisyal nga bayolasyon kara, ginpangayuan ni PSSg Rodgie Delos Santos it ID ro suspek.
Kat boe-on kunta it suspek ro anang wallet sa short kara, gulping nahueog ro caliber 22 pistol revolver nga may marking Magnum North America Arms nga owa it serial number ag may limang bala.
Sa makarun hay sa kustodiya eon ro suspek it Kalibo MPS para sa dokumentasyon ag disposisyon. // ANN DESLENE SALAZAR
