PADAYON pa nga giimbestigahan sa San Isidro police station ang ulahing insidente sa pagpanulis nga nahitabo nakalabay nga semana sa Oringo Subdivision, Barangay City Heights, GenSan.
Asa tulo ang nabiktima ug natangag sa mga tulisan ang duha ka cellphone ug P50-K nga kwarta.
Sa impormasyon sa presento wala pay mipatim-aw nga witness sa insidente rason nga wala pa usab nila mailhi ang mga suspek.
Gikabutyag sa kapulisan nga dili nila undangan ang paggukod sa mga tulisan kung mailhan na kini aron maundang na ang susamang panghitabo nga makahatag og kabalaka sa mga residente.
Una nang nagpakitabang sa kapulisan ang tulo ka trabahante sa panel nga biktima human sila gitionan og pusil ug gikuha ang ilahang halin. I Enamie Mogpon
