Gipa-aktibo sa Konseho sa Cagayan de Oro ang mga opisyal sa matag barangay sa pagpahigayon og declogging sa mga kanal.
Sumala ni City Vice Mayor Jocelyn Rodriguez nga angay lamang tawgon ang atensyon sa mga opisyales sa barangay alang sa pagbuhat sa ilang tahas sa paghimog aksyon aron malikayan ang grabi nga pagbaha sa ilang lugar.
Madumduman nga una nang gipasabot ni Committee on Environment Chairman City Councilor Roger Abaday nga ang mga basurang ga-pondo sa kanal maoy usa sa hinungdan nga dili makagawas ang tubig, rason nga ga-overflow kini paingon sa kabalayan panahon nga mag-ulan.
