Bagama’t umayos na ang kalagayan ng panahon, may namumuo na namang panibagong Low Pressure Area (LPA) sa loob ng Philippine Area of Responsibility.
Huli itong namataana sa layong 1,035 km silangan ng Southeastern Mindanao.
Ayon sa PAGASA, wala pa itong direktong epekto sa anumang bahagi ng bansa dahil malayo pa ito sa ating kalupaan.
Sa kabila ng paglabas ng Bagyong Carina sa bansa, patuloy pa rin itong nagbabanta ng malalakas na ulan dulot ng Southwest Monsoon o Habagat.
Apektado rito ang ilang bahagi ng Luzon, partikular na sa Ilocos Region, Abra, Apayao, Benguet, Zambales, at Bataan.
