CAMARINES SUR- Iniimbestigahan na ng Coastal Resource Management Office (CRMO) ang insidente ng pagkamatay ng mga isda sa Tinambac, Camarines Sur.
Ito ang kinumpirma sa Brigada News FM Naga ni Municipal Disaster Risk Reduction and Management Officer (MDRRMO) Romil Estolano matapos na ireport sa kanila ang nangyari sa Barangay Buenavista.
Sinabi naman sa Brigada News FM Naga ni Union Punong Barangay Hernel Bañares, naobserbahan ng mga mangingisda nitong Sabado’t Linggo ang paglitaw ng mga isda hanggang sa makita na may mga patay nang nasa dalampasigan. Hindi lamang isda kundi pati mga alimango ang apektado. Sinabi pa ng opisyal na sa kaniyang pagkakalaam wala namang gumagamit ng lason o kaya dinamita sa kanilang barangay.
