Ro paghaeong kontra sa sunog hay indi eamang ubrahon kada buean it Marso nga ‘Fire Prevention Month’, kundi dapat raya nga ubrahon sa bilog nga dag on.
Raya ro ginpadumdom ni SFO3 Ricky P. Domingo, Tangalan Municipal Fire Marshal, sa interview kana it Brigada News FM Kalibo.
Suno kay SFO3 Domingo, nagapatigayun sanda it house-to-house survey partikular sa mga barangay it Tamalagon, Pudiot, Poblacion, Tagas ag Jawili, para ipadumdom sa publiko nga maghaeong pirme sa sunog.
Likawan man segun ro pag overload it mga gamit sa baeay partikular ro appliances.
Ginpahayag man ni Domingo nga bukon eang it sunog ro ginarespondehan nanda nga mga taga Bureau of Fire kundi pati man ro emergency medical service.
Kaeakip man sa kampanya it BFP, hay kalipatan si MARITES ag isipon si EDITH (Exit Drill In The Home) para engkasong may sunog hay madasig ag salbar nga makaguwa it baeay. // ANN DESLENE SALAZAR
