LEGAZPI CITY – Dai man tutugutan kan Department of Health (DOH) Bicol an paggamit nin motorsiklo na may muffler bilang alternative na paribok sa pagsabat nin bagong taon nin huli ta makulog sa talinga.
Ini an sinabi ni Julie Ann Legaspi Granadino, Senior Health Program Officer Regional Program Manager Violence and Injury Prevention Program kan naumbitang ahensya sa Brigada News FM Legazpi.
Segun kay Granadino, pinagbabawal an paggamit kaini huli ta mabalgar ini sa national asin local ordinance na pinapautob sa tinampo.
Mas maray kun gagamitong alternative an dai nakakaperwisyo asin su mga warang mababalgar na ley.
Pwedesir man gamiton an torotot, pagpatanog kan kaserola, busina, asin dakol pan iba.
Segun pa kay Granadino, dakulang bagay an paggamit nin alternative na paribok sa bagong taon nganing makakalikay sa anuman na insidente nin paputok.
