Nanindigan si Senador Chiz Escudero na hindi kailanman maituturing na “assault” ang paghahanap sa katotohanan sa likod ng umiikot na “pekeng initiative”.
Ito ay matapos ang paghahain ng Kongreso sa House Resolution 1562 na nagsasabing isang “intense assault” sa kanila ang aksyon ng Senado tungkol sa people’s initiative (PI).
Kaugnay nito, nilinaw ni Escudero na wala siyang nakikitang mali sa pagtayo at paglaban ng Senado para sa “true”, “right”, “moral” at “just” sa likod ng PI.
Dagdag pa niya, ‘di dapat ito tawaging “assault” dahil isa lang itong pagdepensa.
Samantala, naniniwala naman umano ang senador na tanging si Pangulong Bongbong Marcos lang ang makapagbibigay ng tuldok dito.
