Naniniwala si Senador Christopher “Bong” Go na maituturing na complementary sa isinasagawang peace talk ang mga programa ng National Task Force to End Local Communist Armed Conflict (NTF-ELCAC).
Kaugnay nito, nanindigan siyang hindi pa ito ang tamang panahon para itigil ang mga programa ng NTF-ELCAC na nanghihikayat sa mga rebelde na magbalik loob.
Ito ay bilang pagtutol niya sa rekomendasyon ni United Nations (UN) Special Rapporteur Irene Khan na alisin na ito dahil tila outdated na umano ito sa kasalukuyang peace negotiations.
Dagdag pa niya, napatunayan ng marami ng nagawang pagbabago ang NTF-ELCAC lalo na sa panghihikayat sa mga rebelde na magbalik loob sa gobyerno at mamuhay ng payapa kasama ang kanilang pamilya.
