BORACAY ISLAND — Sambilog sa mga nagapangunang tinutuyo kung ham-an nagsugot si Pangueong Rodrigo Duterte nga uman nga ibalik ro operasyon it casino sa isla it Boracay hay para maka-generate it kita o pondo para sa pandemic response.
Raya hay base sa pahayag ni Presidential Spokesperson Harry Roque.
Owa man ginpangaeanan ro establisyemento nga maga operate it casino sa isla.
Matandaan nga ku 2011, ginatus ka residente it Boracay ag Aklan ro nagpartisipar sa sangka protesta kontra sa pagpatukod it casino sa isla. / ANN DESLENE SALAZAR
