Hugot nga ginabawalan sang Department of Environment and Natural Resources (DENR) ang pagpang-utod kag pag-transport sang kahoy kun wala sang nagakaigo nga permit.
Suno kay Vicente Sardina, head sang DENR-Capiz, indi na basta-basta makapang-utod sang kahoy ang mga pumuluyo ilabi na ang nagtanom kun wala sang certificate nagikan sa ila opisina.
Dugang pa sini, ang mga tawo nga luyag mag-utod kag magbaligya sang kahoy, ang kinahanglan magpasa sang mga rekisitos sa ila talatapan kasubong sang barangay resolution, certificate gikan sa Local Government Unit (LGU), land title ukon tutulo, tax declaration kag power of attorney. | Judy Ann Juare