Nagmalampuson nga giturn-over sa lokal nga pangamhanan sa Veruela Agusan del Sur ang Farm-to-Market Road diha sa P-3 Sitio Batikokoy Barangay Sawagan ning milabayng adlaw.
Ang maong kalihukan gipangunahan ni Mayor Myrna Mondejar ug ni kanhing Mayor ug kasamtangang Sanguniang Bayan Loloy Mondejar, Vice Mayor Edgar Brigole ug uban pang mga dagko nga mga opisyal sa lungsod. Luyo niana anaa usab ang presensya sa mga Department Head, Kapulisan ug Kasundaluhan lakip na ang mga opisyal ug residente sa gikabutyag nga Barangay.
Sa gipagawas nga impormasyon ni Sangguniang bayan member Salimar “Loloy” Mondejar nga dako ang iyang pagpasalamat gumikan kay sa gihapon padayon nga gipalig-on sa mga katawhan ang ilahang pagsupurta ngadto kanila.
Gipaambit usab sa opisyal nga kung naa na sa huna-huna sa mga katawhan nga mubalik sa lungsod andam ug kinasing-kasing nilang dawaton.
