LEGAZPI CITY – Pigsiyerto kan Committee Chairman on Health and Sanitation kan Sangguniang Panlungsod kan Legazpi City na magigin mahigot an pagmo-monitor sa mga water refilling station sa syudad katakod kan pagkapasar kan ordinansang pag-regulate sa mga ini.
Sa intrevista kan Brigada News FM Legazpi kay Coun. Alexander Jao, chairman kan nasambit na komite, sinabi kaini na sa paagi kan ordinansa, maaaraman na kun siisay an makakapasar bulan-bulan sa water bacteriological examination.
Segun saiya, an mga nagpapabarakal ki tubig, hahagadan ki resibo para mahiling kun lehitimo an pigkukuwaan kaini.
Apwera digdi, pigsiyerto man ni Jao na magigin consistent sinda sa pag-iinspeksyon para sa kaligtasan kan kagabsan.
