LEGAZPI CITY – Pigbubusol ngonian kan Albay Provincial Persons With Disability Affairs Office (APPDAO) an pagsasagibo nin Inclusive Community Risk Assessment (CRA) tool sa Disaster Inclusive (DI) Disaster Risk Reduction and Management (DRRM) sa probinsya kan Albay.
Segun kay Provincial Disability Affairs Officer (PDAO) Annecita Abion, kadaklan subuot sa mga lokal na gobyerno sa probinsya, kulang sa management information system, na pwedesir kuta subuot makatabang sa pagkua nin data kan mga Persons With Disabilities (PWDs) bago asin sa panahon kan mga kalamidad sa probinsya.
An pagbusol kan nasambit na programa, basado man sana subuot sa resulta kan isinagibong pag-adal kan Cross-sectional Survey para i-assess an prevalence kan Disability asin Access sa manlaen-laen na mga services sa probinsya kan Albay.
Kun magigirumduman, nagsagibo nin pagtiripon an nasambit na opisina bilang pakikisaro sa pagselebrar kan National Disability Rights Week (NDRW) ngonian na bulan, kun sain pinag-orolayan digdi an pagbusol na gibuhong prayoridad an mga PWDs sa probinsya kada magkakaigwa nin kalamidad sa Albay.
